KAPIN 50 KA MGA RUNNERS MIAPIL SA PAGPAHIGAYON NAN BASURA RUN 2017 SA SURIGAO CITY
Moabot sa kapin 50 ka mga runners gikan sa lain-laing sektor an miapil kaganinang buntag sa pagpahigayon sa Basura Run 2017 sa Surigao City. Nahimong ruta sa pagdayagan nan mga ini an dayan Rizal, Capitol, Sitio Cayutan, Canlanipa Road, Nueva, P. Reyes ug City Boulevard. An partisipante an nanglangkob sa mga estudyante, magtutudlo, doctor, kapulisan, empleyado sa bangko, pribadong kompanya ug local gov’t unit.
Namahayag si Brian Mindana Penados, isa sa mga miapil ug aktibong miyembro sa Surigao Ultra Runners (SUR), tumong sa aktibidad an pag-aghat sa tanan Surigaonon para sa healthy lifestyle pinaagi sa pagdayagan lakip isab an sakto na paglabog nan basura . Dugang pa niini, an Basura Run an plano himoon kada una na Sabado sa matag buyan, dili lamang diri sa Surigao City kundili dungan ini na tagpahigayon sa tibook Pilipinas.
An iban pa na naglangkob sa SUR an nagpaabot isab nan pasalamat ngadto sa Brgy. Kapitan nan Brgy. Taft ug Association of Brgy. Captain Pres. Pablo Bonono Jr. lakip sa kapikas niini na si Eleonor Bonono sa ila pagsuporta sa ila programa pinaagi sa paghatag nan mga garbage bags ug pagpabuyos nan multicab na kon diin didto nila tagpahimutang an sinako-sako na nakolekta na mga basura kaganinang buntag.
