Davao City – Nakadawat og tawag gikan sa 911 ang San Pedro PNP kalabutan sa sunog nga nahitabo didto sa Datu Bago St. Brgy 5-A siyudad sa Davao.
Gilayon giadtuan kini sa mga imbestigador sa San Pedro pnp sa pagpanguna ni Sr.Police Officer 1 Julieto Honor alang sa pagpahigayon og imbestigasyon.
Sa ilang imbestigasyon, pasado alas 8:45 sa gabii nagsugod ang sunog sa stall numbers 12 ug 13 sa general merchandise sa Malfori Building nga girentahan ni Marry Jean Ogang, 34 anyos, usa ka negosyante ug nagpuyo sa nasampit nga lugar.
Gideklara nga fire-out ang maong sunog alas-9:00 sa gabii diin gibana-banaan nga mokabat sa 50,000.00 ka pesos ang damyos sa sunog.
Subay sa imbestigasyon sa Bureau of Fire Protection, electrical short circuit sa ceiling portion ang hinungdan sa maong sunog.
RadyoMaN Don Pulayao
