General Sanos City—- Migradwar na ang mukabat sa kapin 500 ka mga pulis nga nagpa-ilalom sa Basic Internal Security Operation Course sulod sa unom ka bulan.
Sumala ang Police Supereintendent Aldrin Gonzales, tigpamaba sa Police Regional Office 12 nga bisan ug adunay pwersa na ang PRO12, nagpabilin gihapon nga kulang personahe sa kapulisan.
Pamaayag niya nga kung basihan ang saktong ratio, dapat anaa sa 500 ka sibilyan sa matag usa ka pulis, apan sa ihap sa kapulisan karon sa rehiyon, anaa matud pa sa usa ka libo ka sibilyan ang kinahanglang bantayan sa usa ka pulis.
Dugang pamahayag ni Supt. Gonzales nga ang mga bag-ong gradwar sa BISOC maoy ibutang sa Mobile Force Battalion ug sa mga Mobile Force Company. Samtang ang mga pulis nga dugay na sa RMFB ug CSPC maoy ipangbutang sa mga police station isip dugang pwersa.
Gihatagan lang matud pa ug pipila ka adlaw ng mga bag-ong graduate sa BISOC aron makapahulay dayon i-deploy na sila sa ilahang mga bag-ong assignment.
