General Santos City— Mukabat sa kapin 500 nga dugang pwersa gikan sa Police Regional Office 12 ang gi-augment sa probinsya sa North Cotabato alang sa pagahimuong plebesito sa Bangsamoro Organic Law kon BOL sa ugmang adlawa, Pebrero 6.
Sumala kang Police Chief Superintendent Eliseo Rasco, Regional Director sa Police Regional Office 12 nga gawas sa dugang pwersa aduna nay kapin libo ang naunang na-deploy sa North Cotabato.
Anaa usab ang augmentation gikan sa militar kung asa gibana-banaang naa sa kapin 2mil ang ihap sa tropa sa gobyerno nga magbantay sa maong aktibidad.
Dugang pamahayag ni PCSupt. Rasco nga mas daghan ang ihap sa tropa sa kapulisan nga gideploy sa karon kung itandi sa gi-deploy milabay’ng plebesito sa syudad sa Cotabato.
Saysay niya nga walay bag-uhon sa ipatumang siguridad sa North Cotabato apan mamahimo matud pa kining mas han-ay gumikan aduna matud pa silay gipatumang template human ang after activity valuation sa akalabay nga polebesito.
Pasabot nga kung unsa ang mga nakit-ang kakulangon sa gipatumang gisuridad sa Cotabato City ang ilahang i-improve. Aduna na usab silay gi-andam nga mga pulis nga magsibling BEI higayon nga dili musipot ang mga magtutudlo gikan sa DEPED 12.
