Kapin 60 ka mga LSI ug ROF nga midangat dinhi sa probinsya nagpositibo sa rapid test sigon ni Gov. Yu

71

Pagadian City – Gikompirmar kagahapong adlawa atol sa opening ceremony sa Araw ng Pagadian ni Zamboanga del Sur Governor Victor Yu nga adunay kapin 60 ka mga Locally Stranded Individuals (LSI) ug Returning Overseas Filipinpos (ROF) ang nagpositibo sa rapid test.
Aminado ang gobernador nga gumikan sa kadaghan sa LSI ug ROF nga modangat matag adlaw dinhi sa probinsya, nahurot na ang kapin 5mil ka mga rapid test kits nga kanhing giandam sa kagamhanang probinsyal.
Sigon pa niya, sa 60 kapin ka mga gipailalom sa swab test, 11 pa ang migawas nga resulta ug 3 niini ang positibo.
Karong adlawa gilaumang magpagawas ug Executive Order si Gov. Yu nga magmugna ug Task Force Sita sa mga kabarangayan.
Ang Task Force Sita mao ang gitahasan nga mosita sa wala nagmask, adunay tapok2, ug sa LSI nga nagsuroy2
Misaad usab ang mga mayor sa matag lungsod sa probinsya nga mohatag kini og 200 rapid tests kits
Niining kasamtangan, adunay kapin 300Milyones nga budget ang provincial gov’t alang sa hospital equipments sama sa ventilators, ug portable xray.
(Photo courtesy: Victory Zamboanga del Sur)

Facebook Comments