General Santos City— Malampusong na sikop sa kapulisan sa Gensan City Police Office ang mukabat sa 33 ka mga kahon sa smuggled nga sigarilyo gikan sa nasud Indonesia alas 2 ang takna sa kaganihang kadlawon sa may Prk. Puting Bato, sakop sa Barangay Calumpang ning syudad human nga gi suwayan matud pa kini ug pasulod sa 3 ka mga tao sa gensan gamit ang demotor nga Bangka.
Sumala pa ni Police Senior Inspector Davis Dulawan ang hepe sa Police Station 5 nga naka dawat sila ug impormasyon gikan sa ubang unit sa PNP ug ilahang mga counter parts nga adunay ipalusot nga mga smuggled nga mga sigarilyo sa syudad agi sa backdoor hinungdan nga dali nila kining gi-opersyonan kung diin nasikop ang 3 ka mga pahinante sa nasangpit nga Bangka nga gikan sa Indonesia sakay ang mukabat sa 660,000 ka pesos nga kantidad sa sigarilyu.
Gi ila ni PSI Dulawan ang mga suspek nga Silang Ellio Adelbert Alamia, Roger Malik Tanjing Indonesian national ug ang usa ka Naider Malik Tanjing parihang nga nanimuyo sa syudad partikular na sa Prk. Kulasi Barangay Labangal.
Sa kasamtangan naka-kustudiya sa Police Station 5 ang mga nasikop samtang takda usab nga i-turn over sa buhatan sa Bureau Of Customs ang mga sigarilyo nga kompiska sa kapulisan samtang gi-andam na usab ang kasong kriminal nga atubangon sa mga nasangpit. (Dave Silagan)
