Davao City – Daghang mga bakanteng trabaho ang itanyag sa himuong ‘Trabaho, Negosyo at Kabuhayan (TNK) Job and Business Fair’ karong Mayo 1 ug 2, 2019.
Sa news release gikan sa Department of Labor and Employment kun DOLE XI, ang maong aktibidad nga adunay temang “Pagpupugay sa Manggagawang Pilipino” ipahigayon sa Gaisano Mall of Davao diin gibana-banaang adunay kapin 70 employers ang mutambong nga nagtanyag og 3,045 lokal nga trabaho samtang 3,563 sa overseas.
Dugang pa nga sagad ginpangita sa gawas mao ang Nurses (ICU, NICU, PICU, General Nurses & Clinic Nurses), Cleaners, Teacher Assistants, Waiters/Waitresses, Female On-Call Cleaners, Sales Associates, Welders, Service Crew, Household Service Workers ug Manicurists/Pedicurists samtang diri sa lokal mao ang Carpenters, Masons, Production Crew, Customer Service Representatives, Service Crew, Sales Associates/Clerks/Promo, Field Collection Officers, Mechanics, Drivers ug Electricians.
Sumala ni DOLE XI Regional Focal on Employment Marlito D. Ayala nga gawas sa job fair ug business opportunities schedule sa May 1-2, adunay himuon nga mini job fair karong April 26-30, 2019 sa susamang lugar alang sa mga buot mangapply og sayo.
RadyoMaN Renz Barbarona
