Matud kang DPWH XI Spokesperson Dean Ortiz, sa nakalabay’ng 24 oras wala sila makadawat og report nga dunay mga imprastrakturang giguba sa baha sa tibuok rehiyon.
Apan basi sa monitoring sa Office of the Civil Defense XI ug Davao Regional Disaster Risk Reduction and Management Council, adunay usa ka tulay sa Barangay San Isidro sa lungsod sa Caraga, Davao Oriental ang naguba nunot sa bul-og sa tubig baha hinungdan dili kini ma-agian sa bisan unsang matang sa mga behikulo karong panahona.
Giingon pa ni OCD XI Director Ednar Dayanghirang, gawas sa tulay, upat ka dalan ang dili usab maagian og mga sakyanan, gumikan sa nasinati nga tulo ka pagdahili sa kayutaan sa mga lungsod sa New Bataan, Nabunturan ug Maco, Davao de Oro.
Sumala pa ni Ortiz, ila pang susihon ang gikataho sa DXDC RMN Davao nga dunay nadanyos nga mga imprastraktura sa naasoy nga mga probinsiya.
Radyoman Joel Viray
