Kapin sa 800 ka mga bag-ong pulis ang nanumpa na kagahapong adlawa pinaagi ni Police Regional Office o PRO 10 Director Police Chief Supt. Timoteo Pacleb.
Gibutyag ni PRO 10 Spokesperson Police Supt. Surky Sereñas nga 596 niini mga lalaki ug 210 mga babaye nga nakapasar sa parehong screening process.
Matud ni Sereñas nga ang maong mga pulis dunay ranggo nga Police Officer 1 ug magdawat sa sweldo nga halos 30 mil pesos.
Nasayran nga human sa pagpanumpa ang maong mga pulis i-turn over sa Regional Training Center 10 alang sa Public Safety Basic Recruit Course.
Ang maong mga trainees mopaubos sa academic training, Internal Security Operations ug defense tactics sulod sa unom ka bulan.
Human ang unom ka bulang training sa Public Safety Basic Recruit Course isunod na usab ang laing unom ka bulang Field Training Program sa lain-laing provincial / city police offices sa PRO 10 isip kabahin sa ilang community immersion.
