Davao City – Anaa sa 822 ka balay, 1 ka building ug usa ka compound sa Davao City ang naka-lockdown base sa January 24, 2022 nga datus tungod sa mga pasyenteng nagpositibo sa COVID-19.
Matud ni Davao City Mayor Sara Duterte, sobra 1,000 ka mga personahe ang gideploy sa mga gipang-lockdown nga mga lugar.
Sa January 24, 2022 nga datus sa Department of Health (DOH-XI), 8,571 na ang aktibong kaso sa COVID-19 sa Davao City.
Segun sa mayor, padayong gipatuman sa lokal nga panggamhanan ang PDITR strategy kun prevention, detection, isolation and quarantining, treatment inside hospitals, and reintegration lakip na ang vaccination ug boostering.
Nagpahimangno kini sa mga Davaoeños nga magdoble igmat ug sundon ang health protocols ilabina inig anaa sa gawas, dili usab angay magkumpyansa sa mga kaubanan sa balay tungod daghan ang mga asymptomatic.
RadyoMaN Aimee Guinita
Facebook Comments
