Ozamis City – Nakumpiska sa grupo ni Ozamiz City Police Office commander C/Insp Jovie Espenido ang muabot sa P96-milyon nga suspected shabu gikan sa kaparyentehan sa pamilyang Parojinog.
Kini human gibalik ni Pangulong Rodrigo Duterte sa Philippine National Police (PNP) ang pagpanguna kontra illegal nga droga.
Lakip sa nga naaresto ang kanhi driver ni detained City Vice Mayor Nova Princess Parojinog nga si Butch “Butchoy” Merino Manuales.
Nadapan si butchoy road checkpoint dihang giharang sa kapulisan gumikan kay pakyas pagsul-ob sa helmet samtang nagbyahe diin dihang gikapkapan nakuha sa posisyon niini ang shabu nga dad-on unta sa probinsya sa Lanao.
Gibutyag ni Espenido nga mismong ang bise alkalde ang nagsugo nga ibyahe ang P32 milyong kantidad nga shabu.
Ang pagkasikop sa suspek maoy nahimong agi-anan sa pagka-aresto nila ni Rosielyn Walohan ug Melden Rabanes sa inila nga fastfood sa maong syudad.
Sa pagsukit-sukit sa kapulisan sa mga suspek niangkon si Meden nga supplier usab siya og droga sa lungsod sa Dumingag, Zamboanga del Sur.
Karung adlawa gikatakda nga isang-at ang kaso batok sa mga nadakapan.
Samtang kaganihang kadlawon narekober usab sa tropa ni Espenido ang P64-milyon nga kantidad sa shabu sa gilusad nga follow-up operation.
Picture Courtesy to Ozamis PNP
