Davao City – Dul-an 10% o 952 sa 9,500 sa kapulisan sa Davao Region, ang nataptan sa COVID-19 sukad niadtong tuig 2020 hangtud Agosto 26, 2021.
Tulo na usab ka mga pulis ang namatay sa maong balatian.
Matud ni Police Major Eudisan Gultiano, Police Regional Office XI spokesperson, 75 ka mga personahe karon ang kasamtangang gi-isolate pa sa mga Temporary Treatment and Monitoring facilities. Sagad sa mga nagpositibong pulis, asymptomatic o moderate lamang ang kondisyon sa COVID-19.
Segun niini sa matag istasyon adunay usa ngadto sa duha ang magpositibo sa Covid-19 nga pulis.
Aron makontrola ang pagkuyanap sa COVID-19, istriktong gipatuman sa tanang istasyon sa kapulisan ang health protocols ug working scheme aron malikayan usab ang lockdown.
” Rest assured na lahat po ng ating mga kapulisan sa Davao Region ay in high morale para pagserbisyuhan ang ating mga kababayan dito sa Davao Region. Kailangan din nating magtulungan in maintaining our peace and order,” sumala niini.
Segun ni Gultiano dako ang tabang sa vaccination aron maproteksyunan ang tanan batok severe cases sa COVID-19 ug nanawagan kini sa kapulisan nga magpabakuna ug ang ilang mga pamilya.
RadyoMaN Aimee Guinita
