Giquarantina ang dili muminus sa 25 ka mga militar human nga nakitaag sintomas sa sakit nga Covid-19 ang mga nadakpang New People’s Army (NPA) atol sa engkwentro adtong milabayng miyerkules.
Sumala ni BriGen. Ferdinand Barandon sa 403rd Infantry Brigade under observation iyang mga ginsakupan nga nakigbak-bakan sa NPA ug ipailawom sa rapid antigen tests human nga nakitaag sintomas ang siyam nga nadakpang NPA.
Gipailawom na usab sa isolation ang mga nadakpan nga kasamtangang anaa sa kustudiya sa militar ug subject nga ipailawom usab sa RT-PCR Testing.
Sumala ni Brigen. Barandon nga nakasinati og ubo ug hilanat ang mga nadakpan maong mimando dayon sa pagquarantina sa mga ginsakupan niini.
Madumduman nga una na nga nagpositibo ang usa sa mga namatay nga NPA atol sa nahitabong engkwentro didto sa kabukiran sa San Fernando, Bukidnon adtong milabayng semana.
