Kapin na sa napulo ka mga taxi units sa Cagayan de Oro ang gi-impound sa Land Transportation Franchising and Regulatory Board o LTFRB Region 10 sulod lamang sa bulan sa Nobyembre ning tuiga.
Sa interview sa dxCC-RMN, gibutyag ni LTFRB 10 Regional Director Aminoden Guro nga kini sa dihang padayong gipatuman sa LTFRB ang anti-colorum operation ning syudad.
Pero gipasabot ni Director Guro nga dili lamang taxi units ang ilang gi-impound kundili lakip na ang uban pang mga Public Utility Vehicle o PUV Express nga mga colorum gihapon.
Miabot na usab sa 30 ka mga PUVs ang ilang na-impound karong tuiga nga walay insaktong mga papeles ug duna nay nakamulta og 200-mil pesos.
Gidugang ni Director Guro nga wala na sila naghatag og bag-ong mga prangkisa tungod sa kadaghan sa taxi sa Region 10 nga niabot na sa kapin 2,600.
