Moabot sa duha ka gatus ka mga pulis wa pay labot sa mga force multipliers angmagtinabangay sa paghatag ug seguridad atol sa paglubong ni Archbishop Emeritus Ricardo Cardinal Vidal karong Oktobre 26 , adlawng Huwebes .
Ang hepe sa Police Regional Office -7 , Chief Supt . Jose Mario Espino nakapanglantaw ug daghang dagku nga mga opisyal sa gobyerno ug sa simbahang katoliko nga mohatud sa lubong ni Cardinal Vidal .
Gawas sa peace and order makatabang usab ang kapolisan sa pagpahapsay sa trapiko sa kadalanan nga mga dool sa ruta sa funeral procession .
Makatabang hinoon ug daku ang paghimong holiday sa tibook Sugbu sa Oktobre 26 tungod kay mas menos man unya ang mga sakyanan nga magdagan sa kadalanan atol sa lubong ni Cardinal Vidal karong Huwebes
