Nagpaabot karon ug pahibawo ang Cebu Archdiocese sa matudlo nga Papal legate nga makatambong sa lubong ni Cebu Archbishop Emeritus Ricardo Cardinal Vidal karong Oktobre 26 , adlaw`ng Huwebes .
Ang Papal Legate maoy representante sa Santo Papa atol sa lubong ni Cardinal Vidal.
Ang tigpamaba sa Cebu Archdiocese nga si Msgr . Joseph Tan nipasabot nga ang Papal Legate mahimong bisan kinsa sa nahabiling tulo ka mga cardinal dinhi sa Pilipinas nga sila si Manila Archbishop Luis Antonio Cardinal Tagle , Gaudencio Cardinal Rosales ug si Cotabato Archbishop Orlando Cardinal Quevedo .
Nakompirmar sa Cebu Archdiocese ang pagduaw nila ni Cardinal Tagle ug Rosales sa haya ni Cardinal Vidal karong Miyerkoles .
Nagpaabot usab sila ug pahibawo gikan ni Cardinal Quevedo nga posibling moanhi usab sa Sugbu .
