Roxas City, Capiz – Aprobado sang city council ang budget para sa igapahamtang nga interactive lights sa heritage zone sa Roxas City.
Suno sa chairwoman sang committee on appropriations nga si City Councilor Trina Marie Almalbis-Ignacio, nag-agi sa deliberasyon antes nga naaprobahan ang amo nga pondo nga naghalin sa saving sa personnel services kag capital outlay sang city government.
Ang automated nga interactive lights nga igapahamtang ang indi lamang mangin balantayan sa Christmas season kundi ini ang mangin permanente na nga atraksyon sa heritage zone.
Ang nasambitan nga mga decorative lights ang igapahamtang sa mga heritage landmarks kapareho sang city hall, fountain, Capiz Bridge, Roxas City Bandstand, President Manuel Roxas shrine kag Roxas City Museum.
📸 RCCG/Jelo Martinez
