Kapin usa ka gatus ka pamilya nga apektado sa sunog sa Macabalan, padayong giatiman

PC: RadyoMaN Anne Jane Duhaylungsod

Padayong giatiman karon ang 110 ka pamilya nga adunay 488 ka indibidwal nga apektado sa sunog sa Mulmac, Barangay Macabalan ning syudad.

 

Kini ang gibutyag ni Hernando Tuhod, ang Child Development Center sa maong barangay.

 

Matud ni Tuhod nga ang mga tabang nga moabot sa barangay ilang bahin-bahinon ug ihatag ngadto sa mga biktima nga anaa sa lista ug evacuation center.


 

Giklaro ni Tuhod nga mahatagan gihapon sa mga tabang kadtong mga biktima nga nanimuyo sa ilang mga paryente tungod kay dili nila ihatag sa uban ang nakagahin nga tabang alang niini.

 

Samtang wala na nanginahanglan og sinina ang mga biktima sa sunog sa Barangay Macabalan ning syudad.

 

Matud ni Hernando Tuhod ang Child Development Center sa mao nga barangay, nga daghan og sobra na ang nangabot nga mga used clothing.

 

Dugang pa ni Tuhod nga kung aduna may buot nga motabang pa, maoy ihatag na lang ang kitchen utensils sama sa kaldero ug kalha aron nga makaluto na sa ilang kaugalingon ang mga biktima.

 

Hinoon aduna nay mga gihatag nga kitchen utensils, apan kulang pa kini sa mga biktima.

Facebook Comments