Mga biktima sa sunog sa Macabalan, natagaan na sa pipila ka mga gikinahanglan

12
PC: RadyoMaN Nitz Arancon

Nakahatag na kagabei og bugas, kalha ug balde ang Barangay Council sa Macabalan.

 

Kini ang gibutyag ni Barangay Macabalan Kapitan Norbel Saa.


 

Matud ni Kapitan Saa nga wala nay problema sa pagkaon ang mga biktima gawas sa mga panginahanglanon aron nga makabalik sa pagtukod sa ilang panimalay.

 

Dugang pa ni Kapitan Saa nga kung mahimo makabalik na sa ilang area ang mga biktima aron nga dili usab madisturbo ang klase sa mga estudyante.

 

Mahinumduman nga temporaryo nga misilong karon sa Macabalan Elementary School covered court, ang mga biktima.

 

Plano ni Barangay Macabalan Kapitan Norbel Saa nga ikonkreto ang mga itukod og balik nga balay sa mga biktima.

 

Matud ni Kapitan Saa nga kini aron malikayan nga masunog ang kadaghanan sa mga panimalay, kung ugaling subling mahitabo ang sunog.

 

Tungod niini gihangyo karon ni Kapitan Saa ang mga biktima nga kung mahimo, ikonkreto na lang niini ang mga balay sa hinayhinay nga pamaagi tungod kay delikado gihapon kung light materials ang gamiton.

Facebook Comments

From Advertisers