Mokabat sa 1,088 ka mga police personnel ang i-deploy sa 23 ka mga lungsod ug duha ka syudad sa Misamis Oriental atol sa eleksyon sa Mayo 13.
Mao kini ang gibutyag ni Police Col. Rolando Destura, ang hepe sa Police Provincial office sa Misamis Oriental.
Matud ni Destura nga gawas sa mga pulis duna usay mga sundalo sa Philippine Army ang i-deploy sa kabukiran sa Misamis Oriental aron pagsiguro nga malinawon ang eleksyon sunod bulan.
Gibutyag ni Destura nga ang mga pulis maoy maghatag security measure sa eleksyon sa Mayo 13 sa mga coastal areas sa Misamis Oriental samtang ang mga sundalo maoy magbantay sa kabukiran sa lalawigan aron dili makaporma ug dili maka disturbo sa eleksyon ang mga rebeldeng New Peoples Army ug uban pang grupo nga kaaway sa gobyerno.
