*General Santos City— Ubay-ubay na ang mga napasakaan ug kaso sa Gensan City Police Office gumikan sa mga kalapasang nahimo samtang anaa sa Enhance Community Quarantine (ECQ) ug General Community Quarantine (GCQ) ang Gensan.*
*Sumala ni Police Col. Aden Lagradante, City Director sa Gensan City Police Office nga gikan Marso 22, ngadto na Mayo 7, aduna nay 136 ang nakasuhan ug violation sa article 151 ingon man illegal nga sugal.*
*Samtang gikan Mayo 1, hangtud na Mayo 7 aduna nay 720 ang nadakpan gumikan sa pagsupak sa Executive Order 29 partikular na ang No Face Mask Ug Social Distancing.*
*Dugang pamahayag ni Police Col. Lagradante nga mi-ubos gyud ang crime rate sa dakbayan gumikan sa ECQ ug GCQ ingon man implementasyon sa curfew.*
*Gawas matud pa niini, aduna usab ginahimong lakang ang kapulisan aron nga mapabilin ang kalinaw sa dakbayan sama sa police visibility ug ang kampanya batok illegal nga droga.(Lore Romualdo)*
