Iligan City- Nanguna ang Department of Education deped Iligan Division sa pagbuhi ug balik sa Kapisanan ng mga Brodkasters ng Pilipinas o KBP Iligan Chapter.
Karong adlawa gihimo ang Orientation ug Election of Officers sa tanang radio station managers pinaagi sa KBP Regional Coordinator nga si Ms. Bonita Rosales.
Sa iyang mensahe, matud ni Deped Schools Division Superintendent Roy Angelo Gazo nga importante kaayo ang panaghiusa sa matag radio station pinaagi sa maong hugpong.
Mapasalamaton pud ug daku si Gazo tungod walay duha-duha nga misuporta ang halos tanang radio station sa Iligan alang sa ilang distant learning program pinaagi sa pagsibya niini sa kahanginan.
Taud-taud nang dili aktibo ang KBP sa Iligan hinungdan nga naikag si Gazo sa pagbuhi niini.(Ghiner L. Cabanday, RMN Iligan)
