Davao City – Aduna nay identity ang suspek sa brutal nga pagpanlugos patay sa usa ka 12 anyos nga babaye sa Brgy. Sibulan, Toril, Davao City niadtong Dominggo, Disyembre 4, 2022.
Matud ni Brgy. Sibulan Kap. Christine Rose Abalayan, kaila ra kaayo sa biktima ang walay kaluoy nga nihimo sa krimen.
Nakatutok ug hugot nila kining ginamonitor sa pagkakaron samtang ginapaabot pa ang resulta sa mga specimen nga gikuha sa Regional Crime Laboratory Office (RCLO) XI sa mga persons of interests sa mangilngig nga rape-slay case.
Subay niini gihugtan ni Abalayan ang ilahang seguridad ug gipaalerto niini ang tanang barangay police sa pagpugong sa mga mahitabong krimen sa ilahang barangay.
Hugot usab ang koordinasyon nila sa Eden Police Station sa paghatag og hustisya ngadto sa biktima ug sa hinanaling panahon madakpan ang suspek.
RadyoMaN Aimee Guinita
Facebook Comments
