General Santos City— Dako man usab ang kalipay ni Brgy. Tambler Kapitan Abdulwahid Bualan sa desisyong gipakanug sa branch 55 sa RTC ning dakbayan.
Sumala niya nga Mayo 3 pa dihang migawas ang desisyon sa korte apan milabay’ng adlaw lang nakaabot kanila. Samtang sa karon ilaha nalang ginahulat ang desisyon kabahin sa kasong ilahang gipasang-at sa grupo ni Director Gil Castro.
Gawas sa pagdismiss sa kaso, iyaha usab gikalipay ang subling pagdaug isip kapitan sa Brgy. Tambler, pamatuod matud pa kini nga pabilin siyang gisaligan sa katawhan sa iyahang barangay.
Dugang pamahayag ni Kapitan Bualan nga sagad sa mga alahas nga una ng gikuha sa iyahahg panimalay ang gibalik sa mga operatiba sa PDEA human miabot ang taga pdea national aron nga mag-imbestiga.
Pag-angkon niya nga aduna gyud nahimong epektibo sa iyahang kandidatura ang maong operasyon PDEA 12.
Apan dako ang iyahang pagpasalamat sa pagsalig kaniya sa taga barangay tambler gumikan kapin libo matud pa ang nahimong lamang sa iyahang boto batok sa iyahang kontra.
