Kapitan, dakpan human namusil ug menor de edad

93

Polanco, ZDN-Nagping-it sa kasakit ang menor de edad human kini pusila sa iyang batiis didto sa may brgy. Hall sa may Brgy. New Sicayab, Polanco, ZDN.

Nahitabo kini niadtong adlawng Domingo sa may 11:50PM kapin kun kulang.


Ang biktima mao si Melquisedec Salazar Moncida, 16 anyos temporaryo kining nagpuyo sa mao nga barangay ug lumad nga taga Brgy. Sinaad, Sergio Osmeña.

Samtang ang gitudlo nga responsable sa pagpamusil mismo ang barangay kapitan sa New Sicayab, Polanco nga si Marianito Paalisbo, hingkod ang pangidaron.

Butyag pa sa menor de edad nga biktima samtang ana siya sulod sa diskuhan sa mao nga barangay, adunay grupo sa mangdiskuhay ang miatake kaniya ug tungod sa kahadlok kay sa iyang tan-aw dili niya kayang depensahan ang iyang kaugalingon, hinungdan nga mkilagiw kini siya padulong sulod sa opisina sa kapitan para mangayo ug tabang.

Sa dihang anaa na siya sulod sa opisina ni kapitan Marianito, imbis nga tabangan siya, gitiunan naman hinuon siya ug armas, hinungdan nga mihapa kini ug nagkanayon ang minor de edad nga gi atake siya sa usa ka grupo didto sa diskuhan.

Tungod sa kahadlok sa menor de edad nga basin pusilon siya ni kapitan, mikamang kini pagawas sa barangay hall, sa dihang anaa na kini siya sa gawas, gidukdok pa hinuon ang iyang tangkugo ni kapitan ug dayong pusil sa iyang batiis.

Ang biktima nagpabilin pa karon sa balay tambalanan aron sa pagpaalim sa iyang samad sa batiis.

Samtang Si Kapitan Marianito misulay pa unta kini ug ikyas human sa iyang gihimo nga pagpusil sa bata apan dali usab kini nasikop sa gihimong hot pursuit operation sa kapulisan sa Polanco.

Didto kini gisikop sa Boulevard ning dakbayan sa Dipolog ug anaa na kini karon nagpabugnaw sulod sa rehas detention cell sa polanco, alang sa pormal nga pagpasaka ug kaso batok sa kapitan human sa iyang pagpusil sa menor de edad gamit ang 9mm nga kalibre.
Karong adlawa lauman nga mapasaka na ang kasong frustrated murder batok sa kang kapitan Paalisbo

Facebook Comments

From Advertisers