Giila ni Anti-Vices Unit Enforcer ang maong Kapitan nga mao si German “Nognog” Catague sa Barangay Crossing Bayabas ning dakbayan.
Nakuhaan pa og hulagway ni Villamente si Kapitan Catague samtang nagsindi sa sigarilyo ug nagtindog sa sea wall ug nag-atubang sa coastal bridge.
Giingong gisuwayan pa og hulog sa dagat ni Kapitan Catague ang sigarilyo apan wala gihapon kini nakapangulipas kay gawas akto kini nasapon nakuhaan usab kini og hulagway ni Villamente.
Human gipasabot sa kalapasan ang Kapitan, gilayon kini gi-isyuhan og citation ticket nga dunay multa nga P1000 nga bayran sulod sa tulo ka adlaw aron dili hingpit ma-blotter ug makasohan.
Wala hinuon gilimod ni Kapitan Catague ang iyang kalapasan sa Anti-Smoking Ordinance sa Dakbayan ug gidawat niini ang citation ticket human miduso kini sa iyang Certificate of Candidacy sa District Three Comelec Office aron magpa-pili kini pag-usab sa pagka- Kapitan sa Barangay Crossing Bayabas sa taliabot nga piniliay karong Oktubre 30, 2023.
RadyoMaN Joel Viray
