Polanco, ZDN-Posibleng mapasaka na ang kasong Frustrated Murder karong adlawa batok kang Ronnie Maylon, 24 anyos nga taga brgy. Sianib, Polanco, human kini nangahas sa pagpangluba ngadto sa kapitan sa Lingasad polanco nga si Rudy Verances atol mismo sa ilang gihimo nga disco sa mao nga barangay niadtong adlawng Sabado.
Matod pa kini si Ronnie miataki kini sa kapitan dalang luba gamit ang mahait nga kutsilyo swerte usab nga naka likay si kapitan apan nawad-an kini ug control hinungdan nga maayong pagkahayang niini, human nga natikalbong, gisunod gihapon ni Ronnie aron lubaon sa makaduha ka higayon, maayo nalang naa si Elbert Magallanes niadtong higayona ug gitulod niya ang suspetsado palayo sa kapitan, naka eskrima pa si Ronnie ug nalubaan hinuon sa paa si Elbert.
Mitabang sa pag responde ang mga tanod ug sibilyan apan nag waras-waras ang suspek sa iyang kutsilyo, ug maayong pagka igo dughan ni brgy. Tanod Ricardo Bagon, lain pang tanod nga si Jose Jebone ang nasamdan sa walang abaga ug usa ka sibilyan nga si Glen Renido ang nasamdan usab sa paa.
Sa pakighinabi usab kang PCpt Arcelito Derama, gibutyag niini ang suspek nga si Ronnie hubog niadtong higayona ug nagsayaw-sayaw kini sa tunga nga adunay sigarilyo sa kamot, imbis kay gibadlong aron dili makapaso sa ubang tawo nga nanayaw, nangluba naman hinuon.
Sa kasamtangan, anaa na kini sa locked-up cell sa Polanco MPS.
