Kapitan han barangay ginpamumusil, patay

271

TACLOBAN CITY – Patay an usa nga kapitan han barangay matapos pamumusilon ini ha atubangan han iya balay ha Barangay Rombang, Laoang, Northern Samar.

Ginkilala an biktima nga hi Carmelito Baluyot, 51 anyos, presente nga kapitan han nasabi nga barangay.


Sumala han mga witness, alas 6:30 han gab-i han Lunes (Aug. 19) han may duha nga lalaki nga nakasul-ot han bonnet an tumambay ha atubangan han tindahan ni Baluyot.

Nagpakiana daw an duha nga suspek kun mayada tinda nga gasolina.

Han mabaro an mga suspek nga hi Baluyot an ira kaistorya, dayon nga bumunot hin pusil an mga suspek ngan ginpa-uranan han bala an biktima.

Ha dughan ngan ulo an igo han biktima rason han dayon hini nga pagkamatay.

Nagpapadayon naman an imbistigasyon han mga otoridad.

Facebook Comments

From Advertisers