Pasakaan og kaso karong adlawa ang usa ka kapitan sa Misamis Oriental nga giilang High Valued Target isip ika-unom sa watch list sa PDEA sa Misamis Oriental.
Si Kapitan Marvin Tagalogon pasakaan og kasong illegal possession of illegal drugs, illegal possession of explosive and ammunitions.
Kini human makuhaan og upat ka pakete sa gitoohang shabu, usa ka Fragmentation Grenade ug upat ka bala sa 20 gauge shotgun.
Mahinumduman nga gisilibi sa kapulisan niadtong Sabado sa buntag ang search warrant sa balay sa maong kapitan sa Purok San Francisco, Barangay Cabalantian, Manticao, Misamis Oriental.
Nag-uban sa operasyon ang Intelligence Branch sa Misamis Oriental Provincial Police Office, Provincial Drug Enforcement Unit ug Municipal Police Station sa Manticao.
