Liloy, Zamboanga del Norte – Duha ang naagol samtang duha sab ang patay apil na ang kapitan sa Barangay Mucas, lungsod sa Salug ning lalawigan human kini gipamusil sa wala pa hiilhing mga mamumuno kagahapon alas 5:10 sa hapon, nahitabo didto sa Barangay Baybay, lungsod sa Liloy ning lalawigan sa Zamboanga del Norte.
Sa report nga nakuha sa rmn dxdr gikan sa Zamboanga Del Norte Police Provincial Office (ZNPPO), nasayran ang namatay giila nga mao si Philip Dagurayan Malon, 40 anyos, incumbent kapitan sa Barangay Mucas, Salug ug Edgar Vincent Lagare, 27 anyos samtang angol sila Ava Lagare Vega, 35 anyos, minyo ug Arl R. Acas 25 anyos ulitawo nga polos lumulupyo sa Barangay Liguac sa susamang lungsod.
Subay sa report ang maong kapitan uban sa gihingalan kauban didto kini nagstandby gawas sa Majhon Comercial Bldg. sa barangay Baybay lungsod sa Liloy nga kon diin kalit nibutho ang tulo ka single motor xrm kolor itom sakay ang wala pa hiilhing mga mamumuno, nakabonet ang mga nawong nga armado sa tag-as sa kalibre sa armas, deretsong gipamusil ang mga bikitma dayun sibat palayo sa dapit.
Si Hon Malon ug Edar gideklarar nga dead on arrival dihang nadala sa Liloy Integrated Health District Hospital samtang ang duha anaa sa talandugon ang kahimtang daling gibalhin pagdala sa tambalan sa Dipolog City.
Sa pakigkutay rmn dxdr sa Liloy Municipal police Station, nibutyag ang imbestigador sa kaso nga on-going pa ilang pag-imbistiga sa hitabo ug blangko pa sila sa hinungdan sa pagpamusil nga gikamatay sa maong kapitan. (-r.m-)
