GENERAL SANTOS CITY – May kalabutan matod pa sa trabaho ang gisuta nga hinungdan sa pagpamusil sa wala mailhing riding-in-tandem nga gunman ang retiradong pulis og barangay kapitan sa may balutan Myerkules sa gabie sa may Purok Matahimik Barangay Baluan.
Sa dagan sa imbestigasyon sa Lagao Police Station giila ang mga biktima sa pangalang Jonalyn Sumagka 37 anyos minyo nga barangay kapitan sa Barangay Baluntay Alabel probinsya sa Sarangnai nga nakabsan sa kinabuhi pipila ka oras ang nilabay dihang gidala sa Socsargen County Hospital.
Samaron sad sa hitabo ang retiradong pulis nga si Johnny Kinjiyo nagpuyo sa Purok 2 Barangay Buayan ning siyudad sa GenSan og stable na ang kondisyon human sa pagpamusil.
Matod kay Kapitan Armando Diamante sa Baluan niabot sa naglinyang mga tindahan og balut sa ilang lugar ang kotse sa biktima samtang nagsunod ang gunman nga suspek.
Pagnaog sa retiradong pulis sa sakyanan akto na kining gipusil apan nakamatikod hinungdan nga nakahupo og wala maigo dayon nisuksok si Kinjiyo sa driver side apan gisundan sa gunman og gipabuthan kaduha ka higayon hinungdan naigo ang babayeng barangay kapitan.
Nakahinabi ni Diamante ang pipila ka mga tawo sa lugar og tungod sa kahadlok nga madamay nanago sila og wala nila makit-an ang dagway sa gunman nga paspas nisibat sakay sa nag-atang nga motorsiklo paingon og Lagao.
Gidala dayon sa retiradong pulis ang samarong kapitana padulong sa pribadong ospital.
Narekober sa imbestigador sulod sa sakyanan ang duha ka basyo og slug sa kalibre .45 nga armas.
