Davao City – Daku na gayud og kalainan ang taras ug kinaiya sa mga botante karon diin dili sama sa unang panahon nga magpaabot pa og grasya gikan sa mga kandidato una pa sila muadto sa mga polling precincts aron mobotar.
Matud ni Lapu-Lapu Agdao Barangay Kapitan Romeo Evangelista, daghan sa mga botante karon mas manggi-alamon na sa ilang katungod og gahum sa pagboto kay sa maong aktibidad, wala na sila mag-agad sa salapi nga ihatag sa mga kandidato apan nag-base na sila sa konsensiya ug pagbati.
Matud ni Evangelista, ang mga botante wala na mag-agad sa kwarta ug groceries sa mga pulitiko apan ang gitan-aw kadtong aduna na’y nahimo daan sa katilingban ug dili mamapalit og boto.
Posible usab nga nakapa-impluwinsiya sa mga tawo karon aron mausab ang kinaiya sa piniliay mao ang kahimtang sa nasud ug ang wala matuman nga mga saad sa mga kandidato.
Segun ni Evangelista, mahinungdanon kaayo nga dili magpasagad ug mokumpiyansa ang mga tawo sa pagdawat og salapi ug groceries apan gamiton sa tarong ang gahum sa pagboto aron walay kurakot nga mga politikngo makalingkod sa katungdanan.
RadyoMaN Joel Viray
