Kapitan sa 37-D gitubag ang isyu sa basura

2179

Davao City – Dili sumala pa bakak ang gi-post ni D’ Bone Collector Darrell Blatchley labot sa grabe kadaghang basura nga nakuha sa Brgy. 37-D ning syudad sa Davao sukwahi sa isyung mikatag nga karaan sumala pang hulagway ang gi-upload sa social media.

Sa pakighinabi sa DXDC RMN Davao kang Brgy. 37-D Captain Prime Atillo, nagpasalamat kini sa gihimo ni Blatchley diin gi-angkon niining problema gyud sa iyang barangay ang basura.


“Wala gyud ko nagsulti nga bakak nang mga kuan ni Darrell, tinuod gyud nga daghan gyud og basura. Nagpasalamat mi ni Darrell Blatchley nga nag picture siya, iyang gi-upload. At least, na remind pud tanan nga ingon ani gyud diay ang problema.” segun niini.

Giklaro sa kapitana nga ang gipasabot niining mga karaang hulagway mao kadtong pictures ni Blatchley sa mga basura nga nakuha sulod sa tiyan sa balyena.

Gibarugan usab ni Atillo nga dili sumala pa makatarunganon nga mangayo kini og pasaylo sa publiko ug mag resign sa iyang pwesto subay sa panawagan ni Blatchley tungod kay gihimo niini ang iyang trabaho ug ang problema lamang mao ang pag edukar sa katawhan.

“Ang problema diha, bisan makuhaan nimo karong adlawa, pagka 3 days naa say mga cellophane kay ang mga tao dili gyud nimo ma educate bisan unsaon nimo og sulti.” segun niini.

Una nang gipanawagan ni Blatchley nga angay nga mag public apology ang kapitan ug mag resign sa pwesto ingon man ang CENRO director tungod sa kakulangan niini sa maturity ug desiplina sa maong suliran sa basura.

RadyoMaN Kirby Manzon

Facebook Comments

From Advertisers