Mialma si Punong Barangay Monico Bustillo, sa Ambago ning dakbayan sa Butuan sa kalit nga pagkawala isip Philhealth beneficiaries sa siudad ang daghanan sa iyang mga residente lakip na ang iyang mga barangay workers.
Sumala pa ni Kapitan Bustillo nga natingala ang iayang katawhan ug nangangha an mga barangay workers human wala na ma renew sa sponsored Philhealth coverage nga gipunduhan sa City Government.
Gipahayag sa maong kapitan nga napulitika ang maong programa, ilabina nga usa siya sa mga kapitan sa Butuan nga wala mipasilong hangtud sa pagkakarun sa Team RCL.
Gidugang pa niini nga, 16 niya ka mga BHW sa barangay 2 lang ang nabilin sa listahan gitangtang kay pulos dili dumadapig ni Mayor Lagnada.
May nadawat usab nga tahu si Kap. Bustillo nga pweding mabalik sa listahan ang natangtang sa sunod nga re-enlistment kung adunay pagpaluyu sa mga BPO o Barangay Precint Officer ni Mayor Lagnada.
Dali usab nga midepensa ang city ug gipanghimakak ang maong alegasyun sa Kapitan.
Gihagit ni City Information Officer Eldie David si Kap. Monico Bustillo nga pamatud-an ang alegasyon nga gipamulitika ang Philhealth nga gi-sponsor sa local nga kagamhanan ning syudad.
Gipaklaro ni David nga rasun nganong adunay nangatangtang tungod kay mokabat sa 50% ang pagkunhud sa mga benepisyaryo sa Philhealth sa syudad.
Apan giklaru nga dili kini gumikan sa pulitika. Gipasabot sa opisyal nga gikan sa 28,000 ka mga benepisyaryo nasuta nga 23,000 lamang ang tinoud nga kwalipikado mao’ng gitangtang sa listahan ang uban kanila.
Nasuta usab nga 10,000 ka mga benepisyaryo lamang ang gitugut sa buhatan sa PHILHEALTH nga target abagahon sa syudad apan nagdesisyon si Mayor Ronnievic Lagnada patas-an kini hangtu sa 14,000 kapin ka mga benepisyaryo.
Posibleng natangtang ang uban diha sa listahan sa LGU tungod kay nadoble na ilang pangalan gikan sa LISTAHANAN Program sa DSWD.(By: Archer Capadeso)
UNSA ANG INYONG MASULTI NIINING MAONG ISSUE?
