General Santos City—mipalag si Barangay San Jose Kagawad Abdul Rahim Paidumama sa impormasyon nga nalambigit ang iyang panagalan sa narc list o listahan sa mga politikong nalambigit sa iligal nga droga.
Sa pakighinabi sa RMN Gensan kang Kapitan Paidumama hugot niining gibarugan nga wala gayud sya maga-apil-apil sa negosyo o bisan paggamitan ug iligal nga droga.
Gani matud sa opisyal nga sa gidumalaan niining barangay San Jose, usa sa ilang gipakusgang kampanya mao ang pakigbatuk sa iligal nga droga.
Wala usab masayod si Brgy San Jose Kapitan Abdul Rahim Paidumama kung asa nagikan ang maling balita apan ila matud pa kining ipasuta aron masayran kung kinsa ang nagapasiugda niini.
Dili usab matud pa imposible nga politika ang hinungdan sa pagdalahig sa iyang panagalan sa iligal nga gimbuhaton. Apan gihingusgan sa kapitan nga wala kini kamatuoran ug buot niyang limpyohon ang iyang panagalan gikan sa maong isyu.
