Davao City – Dead on arrival ang kapitan sa Tres de Mayo, Digos City nga si Oscar “Dodong” Bucol Jr. human kini gipusil-patay sulod sa kaugalingong balay kagabii, Nobyembre 25, 2025 (Martes), samtang nag-live sa social media.
Sa maong live video, masayrang adunay ginahisgutan nga opisyal sa gobyerno ang maong kapitan hangtod nga adunay miabot nga edarang lalaki aron mag-turnover og nawang nga pitaka.
Samtang ginasusi ang unod niini, kalit na lamang nga gipusil sa makadaghang higayon ang kapitan sa wala pa mailhing suspek.
Nadala pa kini sa Digos Doctors’ Hospital Inc., apan wala na kini matabangi. Gani, dali usab natapok ang katawhan gawas sa maong ospital aron magpahigayon og vigil ug ipanawagan ang hustisya alang sa kapitan.
RadyoMaN Leo Battulayan
Facebook Comments
