Davao City – Gisalig ni Brgy Kapitan Lito Lapitan sa Brgy. Tigatto, Buhangin District, Davao City ang pag ila sa mga listahan kun si kinsa sa matag purok ang maka benepisyo sa social amelioration program sa DSWD.
Sumala ni Kapitan Lapitan nga tungod sa kadako sa iyang barangay diin mukapin sa 40 mil ang mga ginsakpan lisud sa iyang kabahin ang pag ila usa usa kun si kinsa ang makadawat ug dili angay nga makadawat sa financial assistance.
Matud usab ni sa kapitan nga wala pa siya maka butang sa mga pangalan sa mga naka angkon sa SAP sa iyang barangay tungod kay wala mahuman ang mga purok leader ingun man ang DSWD sa pag validate sa mga residente nga nalista.
“Actually maayo man gihapon ang tumong sa DILG aron maplastar pud ba kun kinsa gyud ang nakabenefit. Atleast ang tawo pud dili pud sila mag expect nga dili sila kadawat” dugang ni Kapt Lapitan.
Kahinuduman nga nagpagawas ug direktiba ang DILG nga nagmando sa mga hepe ehekutibo sa barangay nga ipublikar ang mga pangalan sa mga nakadawat sa SAP diha sa ilang mga barangay hall.
RadyoMaN Erin Lumosbog
