Davao City – Gikatakdang ipalawom sa inquest proceeding karong adlawa, Marso 4, ang kapitan sa Brgy. Mabantao Kapalong, Davao del Norte nga si Edgar Allan Quilla human kini nakuhaan og mga iligal armas niadtong Marso 1 sa gabii.
Sumala ni Police Regional Office 11 (PRO-XI) P/BGen. Marcelo Morales, pursigido sila nga mupasaka og kasong kalapasan sa RA 10591 kun illegal possession of firearms subay sa Omnibus Election Code o gunban.
Saysay ni Morales nga maong daghan og armas nga narekober gumikan gamit nila kini isip self defense ingon man seguridad batok sa mga dautang motibo ngadto kanila ug sa mga presensya sa NPA.
Sa pagkakaron, dili pa maingon ni Morales kung mu-avail ang suspek sa girekomendang piyansa.
Kahinumdoman nga nadakpan si Quilla pinaagi sa Search warrant nga gipagula ni Hon. Judge Ma. Susana Baua sa RTC Branch 2 sa Tagum City Davao del Norte diin narekober ang pipila ka mga unit sa iligal nga armas ingon man bala.
Sa maong operation na aresto usab ang usa ka barangay tanod nga si Rolando Pamat, 44 anyos ug residente sa maong lugar.
Samtang gibutyag sa hepe sa PRO-XI nga nagpadayon sila sa ilang background checking sa mga personalidad nga nanagan sa 2019 midterm elections.
Gani gi-awhag niini ang nga nanang-iya og mga armas nga i-deposit usa sa mga police stations alang sa kustodiya samtang nagproseso sa mga permit ug lisensiya.
RadyoMaN Jason Amisola
