Kapitan ug retired army kasuhan atol sa eleksyon

105

Davao City – Bisan pa man og gideklarang Non-Working Holiday ang Eleksyon 2019 karong adlawa ipasang-at ang kaso batok sa lima ka mga naaresto sa paglapas sa COMELEC Gun Ban apil niini ang usa barangay kapitan ug retired army human makuhaig daghang armas niadtong Biyernes sa checkpoint sa may KM. 80, Brgy. Kiblagon, Sulop, Davao del Sur.

Sa interbyu sa RMN Davao kang Sulop Municipal Police station commander Police Capt. Daisy Angga nga kasong may paglapas sa RA 10591 in relation to Omnibus Election Code ang ipasaka batok sa mga suspek nga sila Reynaldo Malayang, 41 anyos, incumbent Barangay Kapitan ug residente sa Brgy. Lapu Lapu, Malalag, Davao del Sur, Roger Neri, 58 anyos, retired nga sundalo sa Philippine Army, taga- Purok Durian, Brgy. Singaw, Kidapawan, North Cotabato, Ramon Paras, 63 anyos, residente sa Brgy. Poblacion, Malalag, Davao del Sur Km. 80, Brgy. Kiblagon, Sulop, Davao del Sur ug giingong igsuon kini sa running Mayor sa Malalag, Luis Duterte, 47 anyos, taga-Poblacion, Malalag, Davao del Sur ug Willy Alconera, 43 anyos, mag-uuma nga taga- Brgy. Lapu Lapu, Malalag, Davao del Sur.

Matud ni Angga dili awtorisado ug lisensyado ang mga armas sa mga dinakpan.


Gibatbat ni Police Regional Office XI Regional Director Police Brigadier General Marcelo Morales nga usa ka in-depth nga imbestigasyon ang gikasa sa kapulisan sa Davao del Sur tungod sa mga kasinatian sa mga pulitikong adunay private armies sa mga niaging piniliay.

RadyoMaN Aimee Guinita

Facebook Comments