General Santos City–dili uyon si Barangay Dadiangas South kapitan Alvin Veneracion sa pag apoint ug mga opisyal sa barangay ugaling dili mahinayon ang eleksyon sa Pilipinas.
Sumala pa ni kapitan Veneracion nga mugawas matud pa nga daw sa gikuhaan nila ug katungod ang mga tao nga mupili sa ilahang gusto nga mamuno sa Barangay.
Dugang pa ni Veneracion nga daw mamahimong self serving ngadto sa appointing officer ang maong mahitabo tungod kay posibleng ibutang niya ang mga tao nga duol sa iyahang dughan bisan pa man ug wala kini katakos nga magdumala ug usa ka barangay.
Mas maayo matud pa nga ug dili mahinayon ang eleksyon ang mga incumbent nga Brgy official ang magpabilin nga mag dumala sa ilahang barangay tungod kay sila man ang napilian sa mga tao.
Apan pag paklaro ni kapitan Veneracion nga iyaha opinyon lang ug kung imando kini sa presidente wala siyay katungod nga mokontra niini. (Dave Silagan)
