ZAMBOANGA CITY—Un alegao drug pusher ta bende shabu na vicidad del un mall na Tetuan ya entra na calaboso despues ya puede recobri 5 paquete de shabu na su posecion del Domingo por la noche.
El report desde na Tetuan Police Station ya nombra con el suspechao como si Banjo Ansao y Baclay, 23, de Tomas Claudio Street.
Asegun na report del pulis antede aresta con Ansao, mismo el foreman del Yubenco Star Mall na Tetuan el ya pidi asistencia con el pulis hablando que rampante el bendida de shabu na lugar.
Dayun tambien ya responde el maga pulis na lugar y ya alcansa con Ansao taman standby na na parking lot del mall.
El pulis ya tene que invita con Ansao na estacion donde ya conduci conele ekl body search y ya puede recobri na su cuerpo el sinco paquete de shabu.
Dayun ya detene con Ansao mientras el maga confiscao shabu ya entrega na PNP Crime Laboratory para el propio examinacion. – Dan Toribio
