Sugod karong adlawa, giisa na sa kapolisan sa Central Visayas ang alert status niini agig pagpangandam sa umaabot nga Semana Santa ug sa bakasyon .
Tanang hepe sa kapolisan sa mga syudad , lungsod ug lalawigan sa rehiyon siyete gitigum aron han-ayon ang ilang pagpangandam ug pagpatuman ug hugot nga seguridad alang sa Semana Santa ug sa tingbakasyon .
Gimanduan kini sa pagdeploy ug igong gidaghanon sa mga pulis ngadto sa mga lugar nga dagsaon sa mga tawo , subay sa gipatuman nga heightened alert status sa PNP.
Dinhi sa lalawigan sa Sugbu ipakatap ang kapin sa mil kinyentos ka polis o 83% sa kinatibuk-ang personnel niini sa mga dapit nga duawon sa mga tawo.
Kini naglakip sa bus terminal , pantalan , religious site apil na ang mga simbahan , beach resort ug uban pa.
