Padajon an pagpanhingusog nan mga kapolisan sa syudad nan Surigao sa kampanya nan ini batok illegal na druga,diin kuman bag o malamposon nasab an ila operasyon human an pagkadakop sa tuyo ka mga suspetsado na naghupot nan illegal na druga na mas nakilay-an sa ngayan na shabu. An mga suspetsado na nadakpan sa may Purok 6,Barangay San Juan inin syudad ,alas 8:15 sa gabii,Oct.2,2017, nakilay an na sila si Crystal Bulabog, 25 anyos,Jessie Cabrera Ruiz ,36, sanan si Ronel Nazareno Curtina, 40 anyos, mga residente nan Purok 6 , barangay San Juan. Sa gihimo na drug buy bust operation nan mga otoridad nakuha sa posisyon sa suspect na si Crystal an 13 ka tagtuhuang sachet sa shabu, cash na P500 sanan celphone. Mag atubang nan kasong paglapas sa RA 9165 an mga suspetsado.(Radyoman Jerson Fuentes)
