Davao City-Abli kanunay ang kapolisan sa bisan unsang himoong imbestigasyon, ilabina sa kampanya batok gidiling droga.
Kini ang gisulti ni PSI Catherine Dela Rey Police Regional Office (PRO-XI) acting spokesperson, kabahin sa himoong imbestigasyon batok sa mga pulis nga nagpahigayon sa operasyon sa gidiling droga, human namatay ang mga suspetsado sa pagtoo nga gipatay. Matud ni Dela Rey, usa ka maayong lakang kini aron ilang mapasabot sa katawhan kung nganong naay mamatay sa matag operasyon.
Samtang giklaro usab sa PRO XI, dili excessive force ang gipatuman sa operasyon sa kapolisan sa rehiyon batok gidiling droga. Matud ni Dela Rey, mas daghan ang nadakpan kung itandi sa mga namatay sa gilusad nilang mga operasyon.
Gitataw usab sa kapulisan sa rehiyon, nga dili sila ma defocus sa ilang kampanya batok gidiling droga sa giingong hinimoan sa mga sindikato aron lubugon ang ilang kampanya. Giingon pa ni Dela Rey, wala silay mahimo kung lainon pagsabot sa uban, ang ilang kampanya apan gipaneguro nila nga lehitimo ang ilang tanang operasyon batok sa nalambigit sa gidiling droga.
Kasamang Bernard Pantallon
