General Santos City— Blangko pa gihapon ang mga kapulisan bahin sa posibleng suspek sa pagpusil sa negosyanteng taga Barangay Heights nga si Melvin Romero, 40 anyos.Sumala ni Police Lt. Ben Venus, Deputy Station Commander sa Police Station 4,ilaha pang ginasuta kung adunay mga CCTV Camera sa lugar kung asa gipusil si Romero. Dakong tabang matud pa kung adunay CCTV Footage sa pag-ila sa mga suspek.
Usa sa mga anggulong gitutukan sa kapulisan kalabutan sa insidente mao ang negosyo niini apan wala usab nila ginabalewala ang uban pang mga naggulo nga posibleng motibo sa pagpamusil sa biktima. Samtang nagpabilin pa gihapon sa ospital ang biktimang si Romero.
Sumala kang Police Lt. Ben Venus, Deputy Station Commander sa Police Station 4 nga gikan sa simbahan ang biktima uban ang iyahang asawa, apan pag-abot matud pa sa ilahang balay kalit nalang kining gipusil sa wala mailhing suspek sakay sa motorsiklo.
Duha ka igo sa likod ug duha sa dughan ang naangkon sa biktima samtang adunay daplis sa ulo niini. Narekober sa crime scene ang pito ka mga basyo sa kalibre 45 nga armas. (LVR)
