General Santos City–Wala pay person of interest karon ang kapulisan kabahin na sa nahitabong pagpamusil patay sa kanhing kagawad sa barangay Conel nga si Hernilo Herbeto, 56 anyos, nga nanimuyo sa Purok Masunurin, Barangay San Isidro ning syudad niadtong milabay nga adlaw.
Sumala pa ni Police Chief Inspector Joel Martinez, hepe sa Police Station 4 nga sa karon blangko pa gyud sila kung kinsa ang responsible sa maong pagpamusil samtang nagpadayon man usab ang ilang pagpangalap ug ebidensya lakip na ang mga kopya sa CCTV sa maong lugar.
Samtang personal grudge ang nag-unang ginatutukan karon nga angulo sa kapulisan nga motibo sa pag pamusil sa suspect human nga sa dihang kagawad pa kini sa Barangay Conel siya ang nagapanguna sa kampanya sa kapulisan batok iligal nga droga ug daghan man usab kinig naligsan.
Dugang pa ni PCI Martinez nga wala usab nila ginabaliwala ang ubang mga angulo sama nalang sa love triangle ug uban pa.(Dave Silagan)
