Kapulisan duna nay anggulo nga gitan-aw sa pagpamusil sa usa ka sabongero

35

General Santos City–Problema sa pamilya ang ginalantaw karun nga motibo sa kapulisan sa kamatayon sa biktimang si Joey David, 29 anyos, minyo ug nanimuyo sa Purok 1 Brgy. Ligaya ning dakbayan kansa gipusil patay sa wala pa mailhing suspek alas 2:30 sa hapon sa diversion road sakop sa Brgy.Katangawan niadtong adlaw nga Sabado.

Sumala pa ni Police Captain Robert Fores Hepe sa Tinagacan PNP nga iyahang nahinabi ang igsoon ug ang asawa sa biktima ug gisaysay niini ngadto kaniya ang kabahin sa problema sa ilang pamilya.


Dugang pamahayag sa opisyal nga usa usab ang hatagan nila ug pagtagad sa imbestigasyon ang pagkapriso sa amahan sa biktima gumikan sa illegal nga droga kung asa duna matud pay partisipasyon ang nasampit nganong napriso ang amahan niini.

Sumala pa ni Fores nga duna na silay person of interest kung si kinsa ang mastermind sa pagpusil patay sa biktima gumikan kay ayha pa gipatay ang nasampit nakadawat matud pa kini ug tawag aron lamang makagawas sa ilang panimalay.

Dihang nakagawas na sa panimalay ang nasampit sakay sa motorsiklo didto na gipusil sa motor riding suspek ug nag ginukdanay pa kini sa dalan nga miabot pa sa diversion road sa Katangawan ug didto gitiwasan nga miresulta sa kamatayon niini.

Pamahayag man usab ni Fores nga dunay nadawat nga bahad ang biktima kini basi sa nakuha nilang impormasyon gikan sa asawa niini.

Nagtuo usab si Police Captain Robert Fores nga gisundan sa mga suspek ang biktima dihang migawas sa panimalay human nadawat niini ang tawag niadtong higayona.

Plano matud pa sa mga suspek nga patyon gayud ang biktima gumikan kay dihang naigo na kini ug nakapadagan pa sa iyang motorsiklo ilaha pa gihapong gigukod hangtod nga natumba ang nasampit ug gitiwasan ug pusil aron lang mamatay.

Susihon usab sa kapulisan ang background sa biktima kung anaa ba kini sa listahan nga nalambigit sa illegal nga droga ingon man ang pagkasabungero niini kung duna ba kini nakalaban. (Reynald Timario)

Facebook Comments

From Advertisers