Davao City – Mi-arangkada sa adlaw’ng Lunes, December 2, 2019, ang ‘Pasko Fiesta alang sa mga Lumad’ subay sa pagsaulog sa Pasko Fiesta 2019.
Sa interbyu sa DXDC RMN Davao kang Rey Fuentes, Senior Social Work Associate sa City Social Services & Development Office (CSSDO), gibutyag niini nga simultaneous nga gihimo ang aktibidad sa Tambobong sa Baguio District, Marilog, Baganihan, Marilog proper, Upper Kibalang ug Suawan.
Gibutyag usab ni CSSDO Social Services Operation Division Chief Marilyn Agonia nga anaa sa 2,000 food packs matag shelter area ang gi-andam nga adunay sulod nga bugas, canned goods ug noodles.
Ang Pasko sa Lumad usa sa mga programa sa Local Government Unit (LGU)-Davao diin ginahatud mismo ang selebrasyon sa Pasko ngadto sa mga lugar sa mga lumad.
RadyoMaN Kirby Manzon
