Kapulisan duna nay person of interest sa pagpamusil patay sa duha ka biktima ug pagkasamad sa laing usa pa

13

General Santos City—Duna nay person of interest ang Police Station 6 sa nahitabong pagpamusil alas 8:00 pasado ang takna sa gabie Abril 24, 2021, sa Mansanitas St. Brgy. Dad. South ning syudad sa Gensan nga miresulta sa kamatayon sa duha ka mga biktima ug pagkasamad sa laing usa pa.

Naila ang mga biktima nga silang Harry Gumboc Borata, 19 anyos, residente sa Barangay Bula ug Generose Portolaso, 24 anyos, residente sa Purok Sta Cruz, Silway, Barangay Dadiangas West. Samtang ang samdan nailang si Edzel Bernabe Borata, 27 anyos nga residente sa Zone 7, Barangay Bula ning syudad sa Gensan.


Matud ni Police Lt. Omar Baret, OIC Chief of Police sa Police Station 6, sakay matud pa ang mga biktima sa usa ka tricycle nga gimanehoan ni Benjie Bohol apan paghidangat sa Mansanitas St. Gipara matud pa sila sa suspek nga nakasakay ug XRM nga motorsiklo dayon gipangpusil ang mga biktima.

On the Spot patay Si Portolazo ug Harry Borata kansa nakaangkon ug samad pinusilan sa managlahing parte sa kalawasan. Gilayon usab nga gidala sa ospital si Edzel Borata human nga nakaangkon ug tapsing sa iyang batiis.
Narecover sa kapulisan sa Crime Scene ang lima ka basiyo sa Calibre .45 nga pistola.

Samtang gibutyag ni Police Lt. Baret nga sa karon usa sa mga anggulong ilang gilantaw sa pagpamusil mao ang personal grudge. Basi matud pa sa ilang pag-imbistiga, walay iligal nga gikalambigitan ang duha ka mga biktimang namatay.

Posible usab matud pa nga ang duruha gyud maoy target sa maong pagpamusil gumikan unang gipusil ang biktimang babaye ug gisunod ang biktimang si Harry Borata. Sa karon nagpadayon ang gihimong imbistigasyon sa kapulisan kalabutan sa maong insidente.



Facebook Comments