Gipahingusgan sa kapulisan sa San Pablo ang pagpahinumdom sa publiko kabahin na sa balaod sa RA 11313 kon ang gitawag nga Bawal Bastos Law ug ang RA 9262 Anti- “Violence against women and their children” pinaagi sa kanunayon nga pagpagawas ug tips ngadto sa katawhan.
Ilalum sa Bawal Bastos Law, mamahimong pasakaan ug kaso ang si kinsa mang indibidwal nga mamalikas, manitsit, motawag sa makainsulto nga pangalan, mangomedya ug dili na makalipay ngadto sa usa ka tawo ug uban pang mga klase sa pagpangbastos.
Samtang sa RA 9262 Anti- “Violence against women and their children” gihingusgan usab sa kapulisan ang kampanya niini gumikan na usab nga daghanang kaso nga adunay kalambigitan sa pagpang-abuso sa mga kababayen-an ug mga kabataan.
Malaumon ang kapulisan nga pinaagi niining mga pamaagi makabaton ug kahadlok ang mga si kinsa mang indibidwal nga mobuhat niini.
